منابعی در هیأت مذاکره کننده دولت افغانستان می‌گویند که قرار است هیأت مذاکره‌کننده فردا (جمعه، ۲۱ سنبله) به دوحه، پایتخت قطر برود.
ارگ با تأیید این خبر می‌گوید: در مراسم افتتاحیه آغاز مذاکرات بین‌افغانی که قرار است روز شنبه (۲۲ سنبله) در دوحه گشایش یابد، داکتر عبدالله عبدالله رئیس شورای عالی مصالحه ملی، حنیف اتمر سرپرست وزارت امور خارجه، عبدالسلام رحیمی نماینده خاص رئیس جمهوری در امور صلح و سید سعادت منصور نادری وزیر دولت در امور صلح نیز به نمایندگی از دولت جمهوری اسلامی افغانستان، اشتراک خواهند کرد.