همزمان با کمبود موادغذایی در افغانستان، سازمان ملل ابراز امیدواری کرده که هرچه سریع کمک‌های بشری از طریق مرز زمینی به افغانستان انتقال داده شود.
مارتین گریفیتس، معاون دبیرکل سازمان ملل در امور هماهنگی کمک‌های اضطراری و بشردوستانه گفته، انتقال کمک‌های انسانی به امنیت وابسته است و حکومت افغانستان باید امنیت را تامین کند.
درهمین حال، آنتونیو گوترش، دبیرکل سازمان ملل، خواهان نشست وزیران کشورهای کمک کننده در جنیوا شده تا کمک‌های بشری برای افغانستان افزایش یابد.