پنتاگون – چرخبال‌های ارتش سابق افغانستان بازگردانده نخواهد شد

پنتاگون یا وزارت دفاع امریکا اعلام کرده که چرخ‌بال‌های ارتش سابق افغانستان به این کشور بازگردانده نخواهد شد.

جان کربی، سخنگوی وزارت دفاع امریکا در یک نشست خبری گفت، درباره این چرخبال‌ها هنوز تصمیم گرفته نشده اما در مورد آن کار می‌کنند. پنتاگون این اظهارات را درحالی مطرح می‌کند که چند روز قبل ملا محمد یعقوب، سرپرست وزارت دفاع به تاجیکستان و اوزبیکستان هشدار داده بود که چرخ‌بال‌های ارتش سابق را به افغانستان برگردانند. پس از سقوط دولت پیشین، شماری از پیلوتان نیروهای هوایی کشور چند چرخ‌بال را به تاجیکستان و اوزبیکستان انتقال دادند. محمداشرف غنی، رییس جمهور پیشین نیز با شماری از چرخ‌بال به اوزبیکستان فرار کرد.