تاکستان‌های انگور در قندهار به‌دلیل خشکسالی کم‌‍بارتر از سال‌های قبل شده است.
ریاست زراعت این ولایت می‌گوید، در ولسوالی‌های ژری، پنجوایی، ارغنداب، ارغستان، دند، دامان، معروف و خاکریز ۲۵۰ هزار تن انگور تولید شده که نسبت به سال گذشته کاهش ۸ درصدی داشته است.
محصولات انگور قندهار به پاکستان صادر می‌شود، اما بازرگانان می‌گویند، محصولات شان در گذرگاه سپین بولدک برای مدت طولانی به منظور تلاشی توقف داده می‌شود که این کار سبب فرسوده شدن محصولات و کاهش ارزش آن می‌گردد.
با اینحال مسئولین اتاق تجارت قندهار اعلام کردند، که مشکلات بازرگانان را با مسوولین حکومتی در میان گذاشته‌اند، به گفته آنان حکومت نیز وعده همکاری داده است. در حال حاضر میوه تازه و خشک قندهار به کشورهای هند و پاکستان صادر می‌شود، مسوولین اتاق تجارت این ولایت می‌گویند، در تلاش هستند تا صادرات شانرا به کشورهای دیگر نیز ارسال کنند.