ولسمشر کرزی ایران ته په کامیابی سره د انتخاباتو د ترسره کېدو مبارکی وویله
د افغانستان ولسمشر د ایران دولت او خلکو ته په دې هېواد کې په کامیابۍ سره د انتخاباتو د ترسره کېدو مبارکی وویله.
ارګ ماڼۍ نن په یوې مطبوعاتی اعلامیې کې وویل چې؛ جمهور رییس حامد کرزی په ارامې او د سولې فضا کې د ایران د انتخاباتو په ترسره کیدو او په هغو کې د خلکو په پراخې ونډې خوښ څرګنده کړه.
په اعلامیې کې همداراز هیله ښودل شوې چې؛ په ایران کې د نوی حکومت په رامنځ ته کېدو سره به د دواړو هیوادونو اړیکې لا ټینګې شی.
د ایران د انتخاباتو د یوې برخې له نتیجو ښکارې چې منځلاری مذهبی مشر حسن روحانی مخکې دی.
د تمدن ټلويزيوني چينل در برابر محتوای مطالب دیگران مسئول نمی باشد. کلیه حقوق مطالب مربوط به سایت د تمدن ټلويزيوني چينل می باشد.