طالبان از معلمان در ولسوالی درقد ولایت تخار ‘باج می‌گیرند. شماری از ساکنان این ولسوالی گفته‌اند که جنگجویان طالبان به صورت منظم به ۱۵ مکتب در درقد سر می‌زنند و از هر معلم ماهانه ۵۰۰ افغانی می‌گیرند.
به گزارش “شبکه تلویزیونی تمدن ” یکی از مسئولان معارف ولسوالی درقد که نخواسته نامش فاش شود، گفته: “اگرمعلمان خود به طالبان پول نبرند و ندهند، آنها خود به مکتب مراجعه می‌کنند و به زور از معلمان پول می‌گیرند.” به گفته این مقام معارف، ۱۵۰ معلم در ۱۵ مکتب این ولسوالی وجود دارد. او افزوده که طالبان از روند کارهای مکاتب نیز تفتیش می‌کنند. با این حال، او گفته که طالبان مانع فعالیت مسئولان و معلمان مکاتب نشده‌اند و حتی در مواردی دانش آموزان را تشویق کرده‌اند. طالبان اما باج‌گیری از معلمان را رد کرده‌اند.