روسیه و تاجیکستان موافقت کردند که برای جلوگیری از گسترش درگیری ها از افغانستان به کشورهای آسیای مرکزی، محافظت از مرز تاجیکستان با افغانستان را تقویت کنند.
به گزارش “شبکه تلویزیونی تمدن “این توافق در سفر رئیس جمهور روسیه به شهر دوشنبه انجام شد.
ولادیمیر پوتین، رئیس جمهور روسیه با همتای تاجیک خود امام علی رحمان در شهر دوشنبه پایتخت تاجیکستان دیدار و گفتگو کرد.
پوتین در دوشنبه گفت: «ما به توافق رسیدیم که برای حفاطت از مرز تاجیکستان-افغانستان تلاش کنیم که شامل استفاده از پایگاه نظامی موجود روسیه در تاجیکستان می‌شود.»
پوتین گفت که تاجیکستان یک کشور تعیین‌کننده در جنگ علیه تروریسم بین‌المللی است. او گفت: «ما تاجیکستان را یک کشور کلیدی برای امنیت و ثبات منطقه می‌دانیم.»
تاجیکستان سال گذشته به دلیل تهدیدهای امنیتی ناشی از قاچاقبران مسلح، آدم ربایان و همچنین شورشیان اسلام‌گرا شمار سرباز مرزی خود در سرحد افغانستان را افزایش داده بود.
روسیه و تاجیکستان جسال گذشته به صورت مشترک یک مانور نظامی را در نزدیکی مرز افغانستان راه اندازی کردند.
روسیه چندین بار از وضعیت امنیتی در مرز افغانستان و تاجیکستان ابراز نگرانی کرده است تا مباداَ شورشیان افراط گرا از شمال افغانستان به آسیای میانه نفوذ کنند.
پوتین هفته گذشته گفته بود که شمار بیشتر از آنچه که تصور می شد از جمهوری‌های سابق اتحاد جماهیر شوروی به گروه داعش پیوسته اند. او گفت که تنها از سوریه حدود ۴ هزار نفر و از دیگر جمهوری‌های سابق اتحاد جماهر شوروی حدود ۵ هزار نفر به این گروه تروریستی پیوسته اند.