در ادامه کمک‌های نقدی سازمان ملل به افغانستان دیروز ۳۲ میلیون دالر به بانک بین‌المللی افغانستان تحویل داده شد.
در همین حال، رامز اکبروف، معاون یوناما می‌گوید سازمان ملل تاکنون توانسته ۳۱۲ میلیون دالر پول نقد را به افغانستان انتقال دهد، اما این مقدار کمک بسنده نیست.
این دیپلمات روز سه شنبه همراه با دیبرا لاینز، نماینده ویژه دبیرکل سازمان ملل در افغانستان با مولوی عبدالسلام حنفی، معاون نخست‌وزیر در خصوص کمک‌های بشردوستانه دیدار و معلومات ارایه کرده است. ازسویی هم، انعام‌الله سمنگانی، معاون سخن‌گوی حکومت در رشته تویتی به نقل از رامز اکبروف گفته که سازمان ملل معاشات کارمندان دو هزار و ۵۰۰ مرکز صحی را می‌پردازد.