حکومت، برنامه جذب دانش‌آموزانِ اول تا پنجم نمره صنف دوازده به دانشگاه‌های دولتی بدون شرکت در امتحان کانکور را لغو کرد.
به گزارش “شبکه تلویزیونی تمدن ” دفتر مطبوعاتی ریاست جمهوری در خبرنامه‌ای گفته در نشست دیروز کابینه، سرپرست وزارت تحصیلات عالی گفته که تجربه دو سال گذشته نشان داده که راه‌یابی این متعلمین به دانشگاه‌های دولتی بدون امتحان کانکور، نه تنها شفاف نبوده؛ بلکه عدالت نیز در روند آن رعایت نشده است.
این مقام وزارت تحصیلات عالی پیشنهاد کرد تا فقره سوم مصوبه ۲۸ جلسه شورای وزیران در ۱۷ میزان سال ۱۳۹۱ لغو شود، که این پیشنهاد با موافقت کابینه تصویب شد.