د تمدن ټلويزيوني چينل

د خوست ولایتی شورا ور وتړل شو

د خوست ولایتی شورا د امینتی گواښونو له امله تړل شوې ده.

ددې شورا غړیو ویلی: ترځو چې دا ستونزه هواره شوې نه وی، د خپلو دفترونو ورونه به تړلی وساتی.

د خوست ولایتی شورا رئیس سید کریم خاکسار ویلی: ددی شورا یو شمیر غړی له څه مودې راهیسې د ټلفون له لارې گواښل کیږی او دوی له دولتی ادارو څخه ددې ستونزې د هواریدو غوښتنه کړې ده، خو تر اوسه په دې برخه کې کوم کار ندی شوی.

دا په داسې حال کې ده، چې تیره ورځ د یوه څانمرگی برید په ترڅ کې د بغلان ولایتی شورا د رئیس په گډون څوارلس کسان ووژل شول او یو شمیر نور ټیپان شول.