د تمدن ټلويزيوني چينل

په هلمند کې شپږ پولیس په مرموز ډول وژل شوی دی

په هلمند کې شپږ پولیس په مرموز ډول وژل شوی دی

 هلمند په موسى کلا ولسوالۍ کې  د یوې پوستې شپږ پولیس په مرموز ډول وژل شوی دی.

د هلمند د والی ویاند عمرځواک وویل، چې نن سهار د موسى کلا ولسوالۍ په دیزور سیمه کې  دوه ملی او څلور سیمه ییز پولیس  په خپله پوسته کې وژل شوی دی.

هغه زیاته کړه، چې د پېښې څرنګوالى نه دى معلوم، خو ښایی دغه پولیس د کومې توطئې له مخې وژل شوی وی.

د ځواک په خبره، چې د وژل شوو پولیسو یو رینجر موټر هم تښتول شوى او اوس یې په اړه پلټنې روانې دی.

د وسله والو طالبانو ویاند قاری یوسف احمدی وایی، چې په موسى کلا کې د دوو قوماندانانو په ګډون اته پولیس د دوى د ملګرو له خوا وژل شوی، اته میله وسله او یو رینجر موټر یې هم ترې وړی دی.

د یادولو ده، نږدې دوه اونۍ وړاندې هم  د ګرشک ولسوالۍ په زمنبلی سیمه کې شپږ پولیس په ورته پېښه کې وژل شوی وو.